Plantun de Prouvènço

Pèr coumpara dos planto d'encò nostre

Astragalus sempervirens subsp. sempervirens & Triglochin palustris

fotò
fotò
Reviro-pastour

Astragalus sempervirens subsp. sempervirens

Fabaceae Leguminosae

Noms en français : Astragale aristé, Astragale toujours vert.

Descripcioun :
Lou reviro-pastour trachis sus li pendis roucaious de mountagno. Avisas-vous de pas vous asseta dessubre que fai de couissin forço pougnènt. Soun li rachis lignous que soubron di fueio que fan aquésti pougnoun. La subsp. sempervirens èi cuberto de long péu blanc (subretout sus lou "calice") de mai de 1,5 mm e fai de flour pulèu grosso (15 à 18 mm).

Usanço :
"Lou reviro-pastour, las fiés lou manjon dins la nèu, quand es imou, bagna, ou strepien, las nourrishe bèn" (J.-L. Domenge in LMT, op.cit. p. 58).

Port : Pichoto planto lignouso
Taio : 10 à 40 cm
Fueio : coumpausado
Tipe bioulougico : Camefite
Cicle bioulougico : Planto renadivo

Gènre : Astragalus
Famiho : Fabaceae
Famiho classico : Leguminosae

Ordre : Fabales

Coulour de la flour :
Petalo : irreguliero
Ø (o loungour) flour : 15 à 18 mm
Flourido : Estiéu

Sòu : Ca
Autour basso e auto : 800 à 2600 m
Aparado : Noun

Liò : Tepiero roucaiouso - Esboudèu - Limas de ribiero
Estànci : Mountagnard à Aupen
Couroulougi : Ouroufito-Ouèst-Éuropenco
Ref. sc. : Astragalus sempervirens subsp. sempervirens Lam., 1783

fotò
fotò
Triglouchin(-de-palun)

Triglochin palustris

Juncaginaceae

Nom en français : Troscart des marais.

Descripcioun :
Aquéu triglouchin èi coumun soulamen en mountagno dins li relarg bagna. Fai de rizoumo, ço que douno de coulounìo mai o mens grando. Lis enflourejado (grapo) soun facho de noumbróusi flour (10 à 60) sènso bratèio. Lou triglouchin-de-palun èi mai prim que lou de mar, i'a mens de flour, se destrìo peréu emé si fueio que soun pas poupouso. De tout biais se sias en mountagno, èi pas poussible de s'engana. Coumpara emé lou triglouchin-de-mar que ié sèmblo un pau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Triglochin
Famiho : Juncaginaceae


Ordre : Alismatales

Coulour de la flour : Verdo
Petalo : 6
Ø (o loungour) flour : 3 mm
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Noun
Mai à setèmbre

Liò : Palun - Prado umido - Ribiero
Estànci : Mesoumediterran à Subaupen
Couroulougi : Subrecousmoupoulito
Ref. sc. : Triglochin palustris L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
ges
RR
ges
RR
ges
R
C
C

Astragalus sempervirens subsp. sempervirens & Triglochin palustris

ges
ges
ges
ges
ges
RR
C
CC

Coumpara Reviro-pastour emé uno autro planto

fotò

Coumpara Triglouchin(-de-palun) emé uno autro planto

fotò